Komisionieri për Zgjerim në Bashkimin Evropian Johannes Hahn ka reagur ditën e sotme në lidhje me ngjarjen në Kumanovë.
Eurokomisioneri ka theksuar se BE po ndjek me vëmendje zhvillimet që po ndodhin në Kumanovë, ndërsa shton se kjo nuk do mund ta tërheqë vëmendjen nga situata e tensionuar politike në Maqedoni. Hahn u bëri apel palëve politike që të gjejnë rrugën e bashkëpunimit dhe të sqarojnë atë që ndodhi në Kumanovë.
“Të gjithë jemi të shqetësuar për atë që ndodhi gjatë vikendit. Në mënyrë urgjente i ftojmë të gjitha palët dhe aktorët që të bashkëpunojnë në sqarimin e asaj që ka ndodhur dhe në mënyrë të barabartë të punojnë për çështjen. Ky sulm, kjo ngjarje nuk duhet që ta tërheq vëmendjen nga situata e vështirë politike në Maqedoni, për të cilën ftojmë edhe opozitën edhe pozitën që ta zgjidhin”, deklaroi ndërmjet tjerash Hahn
