Deputetja socialiste Mimoza Hafizi dha një deklaratë për median nga kryesia e Kuvendit, lidhur me referendumin në PS. Hafizi tha se referendumi është një përpjekje e Ramës për të mbajtur pushtetin brenda partisë.
“Ky referendum nuk ka të bëjë me asgjë, as shqetësimet e socialistëve, as me demokracinë, as me vendet e punës. Referendumi është një përpjekje e pashpresë për të zgjatur mandatin 7-vjeçar të kryetarit, për të justifikuar shkeljet e statutit. U bëj thirrje socialistëve të mos bëhen pjesë e kësaj farse. Nesër vigjiloni dhe denonconi çdo shkelje apo manipulim të mundshëm”, tha Hafizi, duke iu drejtuar anëtarëve të partisë.
