Këngëtari i njohur Blero Muharremi, së fundmi i ka lënë të gjithë pa fjalë. Këngëtari ka zbuluar se vite më parë, kur jetonte në Suedi ka luajtur përballë yllit suedez të futbollit, Zlatan Ibrahimoviç. I ftuar në emisionin Prive, Blero tha se të dy janë përballur në Kupën e Suedisë.
“Ju të gjithë e dini pasionin tim që kam për futbollin. Kur kam qenë më i ri, në Suedi, më ka rënë rasti të luaj kundër Ibrahimoviç, në Kupë të Suedisë. Tani e njeh gjithë bota. Ka qenë ndjenjë interesante, në atë kohë ishte vetëm lojë, por ai tashmë është legjendë. Është e veçantë kur i thua dikujt se kam luajtur kundër tij”-tha Blero.
a.cupaj
