Sali Berisha ka ndërmarrë në fund të fushatës një lëvizje dëshpëruese në përgjigje të qëndrimit të Edi Ramës për rritjen e pagave. Berisha iu drejtua Ramës, duke i kërkuar që të bëhet njeri me ndjenja për qytetarët dhe t’i përgjigjet ofertës së tij, që të bashkëpunojnë për interesat e shqiptarëve.
Ky ka qene nje qendrim i habitshem per te perkrahur nje venbdim te kundershtarit te tij politik, pasi deri me tani ne masen 100 perqind ka qene kunder #faredolloj gjeje qe te bente Edi Rama.
“Jam zotuar që të mos merrem me fjalorin e tij koprolalik, por të merrem me problemet e mëdha që ky regjim u ka krijuar qytetarëve, të merrem me paraqitjen e alternativës tonë, këtë po bëjnë të gjithë kandidatët tanë. Kemi ftuar dhe ftojmë gjithnjë për ballafaqime televizive apo edhe në shesh për transparencë dhe në interesin më të madh të zgjedhësve shqiptarë.
Por unë jam sot këtu për t’i shkurtuar këmbët mashtrimit të paskrupullt të tij me rrogat dhe pensionet. Edi Rama, për herë të parë pas 10 vitesh, pasi u bë e qartë se ngrirja e rrogave dhe rritja e tmerrshme e çmimeve i zhyti shqiptarët në një varfëri të frikshme, që i detyrona të largohen masivisht nga Shqipëria, lëshoi një seri premtimesh për rritje rrogash.
Ndër të tjera paraqiti në parlament një ligj ku parashikohej rritja e rrogës mesatare 900 euro. E vërteta është se ligjin e bllokoi vetë në parlament me një marrëveshje të turpshme me Alibashën, mbylli parlamentin dhe këtë e bëri vetëm e vetëm pse ai premtim ishte një mashtrim. Unë jam këtu sot në emër të qytetarëve shqiptarë, të ftoj të mbledhim me urgjencë ditën e enjte parlamentin dhe të votojmë ligjin për rritjen e rrogave dhe pensioneve”, tha Berisha./m.j
