Deputeti Adriatik Alimadhi ka patur si shqetësim parësor sot në nisjen e seancës në Kuvend, mungesën e një vendparkimi të makinës së tij. Fjala e tij u kundërshtua nga kreu i Kuvendit, Gramoz Ruçi, i cili tha se ky nuk është një shqetësim që mund të parashtrohet në foltore. Për t’i shpëtuar ndërprerjes së fjalës, Alimadhi tha se nuk e kuptonte “pse Këshilli Politik duhet të imponojë rendin e ditës”.
DEBATI NË KUVEND:
Adriatik Alimadhi: Kemi marrë gjoba nga policia për mjetet tona te Kuvendi, të gjendet një mënyrë të rregullohet
Gramoz Ruçi: Të merremi në seanca për parkimet e makinave….Ulu. Nuk është për procedurë ku do të parkosh makinën ti
Adriatik Alimadhi: Nuk ulem
Gramoz Ruçi: E ke marrë fjalën për procedurë dhe po abuzon
Adriatik Alimadhi: Ju jeni perëndia Zoti.
Gramoz Ruçi: Është pak pakuptim që të flasim në foltoren e Kuvendit për parkimin e makinave…
Alimadhi: Ky është problemi që duhet të flas.
Gramoz Ruçi: Mor zotëri nuk mund të flasësh këtu se s’ke ku të parkosh ti makinën…
Alimadhi: Ju keni vendosur si konferencë kryetarësh në rend të ditës ndryshimet për Kodin Zgjedhor. Pse e keni kaluar sot në rendin e ditës? Në 30 vite Shqipëria vuan nga mos-respektimi i Kushtetutës. Mbi ç’bazë e krijuat Këshillin Politik? Ju nuk respektoni asnjë akt të dobishëm të këtij vendi. Si mundet që të votojë ndryshimet deputeti sot që vijnë nga Këshilli Politik.
Gramoz Ruçi: Ju sqaroj se… nisma që është futur sot në rend të ditës është nga 6 deputetë dhe është kushtetuese. S’keni të drejtë me pretendimin. Është futur në rend të ditës me konsesus të plotë nga konferenca e kryetarëve.
g.kosovari
