Gjykata e Tiranës ka shpallur fajtor 18-vjeçarin që qëlloi me gur autobusin ku udhëtonte kombëtarja serbe.
I pandehuri Marsel Qeleshi është dënuar me 6 muaj burg për dy vepra penale, “veprimeve të dhunshme ndaj vendeve të punës dhe transportit të personave të mbrojtur ndërkombëtarisht” dhe “prishje të qetësisë publike”.Gjykata vendosi dënimin me 4 muaj burg për, 18-vjeçarin që u gjykua në gjendje të lirë nuk do të shkojë asnjë ditë në qeli. Ai ka përfituar uljen e një të tretës së masës së dënimit për shkak të gjykimit të shkurtuar, por përfundimisht gjykata ka vendosur pezullimin e ekzekutimit të tij me burg.Sipas vendimit të gjykatës, ai do të mbajë kontakte me Shërbimin e Provës për një periudhë 18-mujore. Gjatë kësaj kohe, Qeleshi urdhërohet të mos shoqërohet me persona të dënuar.Marsel Qeleshi u bë protagonist mbrëmjen e 8 tetorit, kur qëlloi me një gur autobusin e Kombëtares serbe të futbollit, në momentin që ai po kalonte te Rruga e Durrësit në kryeqytet.Pas ngjarjes ai pretendoi se e kishte kryer këtë veprim në shenjë hakmarrjeje ndaj tifozëve serbë, që dhunuan futbollistët shqiptarë në ndeshjen Serbi-Shqipëri në Beograd.