Tre persona janë vënë në pranga nga policia në Fushë Krujë, pasi kanë kanosur dhe goditur dy efektivë.
Burime nga policia bëjnë të ditur se personat e arrestuar janë shtetasit Armando Stafasani, 25 vjeç; Klajdi Stafasani, 28 vjeç dhe Gentian Albrahimi, 21 vjeç, të tre banues në Fushë Krujë.
Sipas policisë, shtetasit e mësipërm, në qendër Fushë-Krujë, me mjetin tip Smart, me drejtues shtetasin Klajdi Stafasani, kanë qenë tej normave të lejuara të shpejtësisë dhe me xhama të zinj, nuk i janë bindur urdhërit të Punonjësve të Policisë që të ndalojnë. Menjëherë, efektivët e policisë i janë vënë në ndjekje duke bërë të mundur kapjen e tyre.
Shtetasi Klajdi Stafasani ka tentuar ta godasë me kaçavidë njërin nga punonjësit e policisë.
Në vijim i kanë kundërshtuar, kanosur dhe goditur me grushta efektivët G.H. 35 vjeç, banues në Tiranë dhe D.Ç. 22 vjeç, banues në Fushë-Krujë.
Në cilësinë e provave materiale u sekuestruan, policia i sekuestroi të arrestuarve dy automjete, një Smart me targa AA 771 LP dhe një Golf me targa AA 800 NF, si dhe një kaçavidë.
Shtetasit e mësipërm janë persona me precedentë penale të mëparshëm në fushën e veprave penale kundër jetës dhe pronës.
D.I.
