Grupi i tifozëve “Shvercerat” nga Shkupi janë ndaluar nga policia në kufi dhe nuk janë lejuar të udhëtojnë drejt Elbasanit për të ndjekur dneshjen mes Shqipërisë dhe Izraelit.
Ende nuk dihet pse nuk janë lejuar ky grupim. Policia ka marrë masa të rrepta sigurie pas informacioneve për akte terroriste.
“Shvercerat Shkup ndalohen në kufirin ‘Qafa Thanë’. Arsyet nuk i dimë”, kanë shkruar në faqen e tyre grupi i tifozëve nga Shkupi.
“Na thanë se i kanë të gjitha emrat tonë dhe se e kemi të ndaluar të hymë në Shqipëri”, thonë për KOHA disa nga anëtarët e grupit, duke na e dërguar edhe dokumentin e refuzimit të hyrjes në kufi, ndërsa e njëjta ishte firmosur nga Ministria e Punëve të Brendshme të Shqipërisë. Omer Bunjaku, lider i “Shvercerave” thotë se sjellja e policisë nuk ka qenë jokorrekte, përveç asaj se asnjëri nga punonjësit kufitar shqiptarë nuk dha arsye se pse u mohohet hyrja në Shqipëri. Mbi 50 anëtarë të grupit të mirënjohur nga Shkupi ishin nisur në mënyrë të organizuar me vetura private për ta përcjellë nga afër këtë ndeshje. (B.K)
