Grupi i Vishegradit me shtetet e Evropës Qendrore dhe ato ballkanike në takimin e përbashkët në Poloni shprehën mbështetjen e tyre për idenë e zgjerimit të shpejtë të Bashkimit Evropian me vendet e Ballkanit Perëndimor dhe hapjen e negociatave me Tiranën dhe Shkupin. Sipas kryediplomatëve të Evropës qendrore procesi i anëtarësimit në BE është jashtëzakonisht i gjatë ndaj kjo çon në një situatë ku palët e treta si Rusia Kina, Turqia dhe shtetet e gjirit persik po zbatojnë axhendën e tyre.
“Më vjen keq se nuk kishte konsensus për hapjen e negociatave të pranimit për Shqipërinë dhe Maqedoninë e Veriut. Ne jemi të shqetësuar për atë që do të ndodhë ne vijim. Gjatë Presidencës Sllovene të Këshillit të BE-së, ne do të vazhdojmë përpjekjet në mënyrë që Shqipëria dhe Maqedonia e Veriut duhet të marrin ate qe meritojne në këtë proces. Ne po përpiqemi qe të sigurojmë pjesmarrjen e ketyre shteteve në konferencën për të ardhmen e Evropës”, është shprehur Ministri i Punëve të JashtmeZbignieë Rau.
Ministri i Jashtëm i Maqedonisë së Veriut Bujar Osmani duke iu referuar samitit të javës së kaluar në Bruksel tha se procesi i zgjerimit të BE ka mbetur ne vend. Sipas Osmanit procesi i zgjerimit sjell përfitime për të gjithë kontinentin evropian sepse ballkanasit nuk duhet të kenë plan B përveç anëtarësimit të plotë të Ballkanit Perëndimor në BE. Sipas tij ky rajon nuk është dhe nuk duhet të jetë kurrë periferia e humbur e Perëndimit, por duhet të mbetet zemra e familjes së sotme dhe të ardhshme evropiane.
/a.r
