Gjykata e Apelit e ka konfirmuar dënimin prej 2 viteve me burg për ish-kryeministrin maqedon Nikolla Gruevski.
Ndërkohë, dënimi për Gjoko Popovskin, është zvogëluar prej 6.5 në 4.5 vjet burg, njofton Portalb.mk.
Ankesat e të akuzuarit N.G. Apeli i ka refuzuar si të pabaza, ndërkaq vendimin e shkallës së parë e ka konfirmuar plotësisht.
Gjykata e Apelit, duke vepruar për dosjen KOKZh-23/18, të njohur në opinion me emrin “Tanku” pas mbajtjes së seancës publike, ka vendosur që ankesën e Gj.P., pjesërisht ta pranojë dhe ai dënohet me burg prej 4.5 viteve, ndërkaq pjesën tjetër e konfirmon me vendimin e shkallës së parë”, thuhet në njoftimin e Gjykatës së Apelit.
Rasti “Tank” ka të bëjë me keqpërdorimin e detyrës zyrtare dhe autorizimit nga ana e ish ministres së Punëve të Brendshme, Gordana Jankullovska dhe shefit të furnizimeve publike Gjoko Poposki, gjegjësisht për blerjen e Mercedesit luksoz me vlerë mbi gjysmë milionë euro, duke i shkaktuar dëm buxhetit shtetëror.
/b.d
