Anëtarja e kryesisë së Partisë Demokratike, Grida Duma është pyetur në studion e emisionit “Kjo Javë” në RTSh për marrëdhënien me kryetarin e Partisë Demokratike, Lulzim Basha.
“Ka absolutisht komunikim, normal, të rregullt dhe të shpeshtë. Detyra për të cilën jemi në atë parti është që të jemi me bindjen racionale që kemi. Nëse në sistemin e mbyllur ka një gjuhë suksesi është të heshtësh. Nëse do të kesh shqetësimin për të rritur sigurinë, është të heshtësh. Shqetësimi im nuk lidhet nga bazamenti të qenit apo jo në listë. Po kërkoj të kundërtën, garim edhe për personin tim.
Nëse ne do të vazhdonim të bënim pyetjen se pse do të përmirësohesh, ne nuk do të kishim histori dhe progres. Ajo që unë e kam ndarë është të shikohet çfarë dhe jo kush. Kudo që shkon në strukturat e Partisë dhe që janë marrë me zgjedhjet, e dinë që me listat e mbyllura ata që janë në vend të sigurt nuk punojnë. Ata që janë në pjesën humbëse e dinë që janë aty për një status-quo. A ka mundësi që të shkojmë në një sistem që individët i japim dhe jo i marrin partisë”, u shpreh ajo.
Ajo foli edhe për marrëdhëniet me ish-kryeministrin Sali Berisha. “Unë komunikoj shpesh me zt.Berisha dhe ajo që kam thënë në një moment…duhet sqaruar sikur kjo është çështja. Komunikimi im është i shpeshtë. Patjetër që kemi folur për Vitin e Ri”, u shpreh ajo.
A ka Grida Duma një formulë që do ta bënte PD-në më të madhe dhe më frymëzuese?
“Sot unë mendoj që dy janë kolonat që duhen theksuar, kolona e hapjes së garës në çdo nivel të saj, të vërtetë dhe reale dhe nga ana tjetër formula organizative strategjike. Duhen angazhuar të gjitha kapacitetet që Partia Demokratike ka. Ka ikur koha në të cilën ai që bën politikë dhe të voton…”, nënvizoi ajo.
g.kosovari
