Nënkryetarja e PD, Grida Duma ka pranuar se Lulzim Basha nuk mund të thërrase më shumë demokratë se ish kryeministri Sali Berisha.
Në një intervistë për A2CNN me moderatoren Alba Alishani, Duma ka është shprehur se ka dashur ta shohë Berishën si një senator të Partisë Demokratike.
“Kam thënë një gjë që është jo populiste por të kuptohet gjerësisht. Sa herë ka ngërcc lidershipi thërret populli. Populli po keqpërdoret.
Nuk mundet që Lulzim Basha të thërrasë demokratë me emocione aq sa i thërret Sali Berisha. A duhet Berisha të shikojë të ardhmen e kësaj partie? Kjo është pyetja më e madhe sot.
Unë kam dashur ta shikoj Berishën si një senator të asaj partie, si një njeri që të mësonte të rinjtë. Ajo parti ka nevojë për trashëgiminë e saj”, ka thënë Duma.
Nënkryetarja e PD Grida Duma nderkohe qe ka surprizuar me deklaratën e saj, ku është shprehur se Lulzim Basha është në provë.
Duma tha se Basha është në momentin për të profilizuar lidershipin e tij dhe se do të përballet me të vërtetën e partisë që kryeson.
“PD ka nevojë për qëndrueshmëri.
Zoti Basha në këtë moment, ka momentin e tij final për të profilizuar lidershipin e tij. Nëse deri sot mund të thuhej që figura e Sali Berishës bënte protagonizëm, hijësonte ose jo, krijonte dualizëm, qoftë edhe në mendjen e njerëzve të cilët brenda partisë kishin njërën referencë dhe tjetrën referencë, zoti Basha sot ka mundësinë të profilizoj lidershipin e tij të plotë. Ai do përballet me të vërtetën e partisë që kryeson”, tha Duma./m.j
