Kritikat e Greqisë ndaj Shqipërisë shtohen nga dita në ditë. Këtë radhë ka qenë Ministri i Mbrojtjes greke Panos Kamenos i kërkoi zbatimin e marrëveshjes së nënshkruar me Tiranën për zhvarrimin dhe rivarrimin e ushtarëve grekë të rënë në Shqipëri gjatë Luftës greko-italiane 1940-1941.
Sipas Ministrit grek qeveria shqiptare është fafjtore për vonesat dhe pengesat në zbatimin e kësaj marrëveshje, e cila është ratifikuar në vitin 2010 në parlament.
Duke iu përgjigjur interesit të deputetëve të SYRIZA-s mbi zbatimin e Marrëveshjes Panos Kamenos deklaroi se “pala greke po bën të gjitha përpjekjet për të respektuar dhe vlerësuar heronjtë e rënë në luftë”.
Sipas tij nuk ka përparime sa i përket punës për zhvarrosjen e ushtarëve të rënë në Shqipëri si dhe për ndërtimin e varrezave ushtarake”.
Ministri grek i Mbrojtjes deklaroi gjithashtu se “pavarësisht reagimit të menjëhershëm të palës greke, ka vonesa të konsiderueshme dhe pengesa nga qeveria shqiptare, të cilat kanë ngadalësuar procedurat, por ai premtoi se do të ngrejë çështjen në të gjitha kontaktet bilaterale mes dy ministrive të mbrojtjes”.
Më 23 mars 2010 Parlamenti shqiptar ratifikoi marrëveshjen me Greqinë për kërkimin, zhvarrimin, identifikimin dhe varrimin e ushtarëve grekë të rënë në Shqipëri gjatë luftës 19401941. Marrëveshja parashikon ndërtimin e varrezave ushtarake në Shqipëri.
Redaksia Online
(JavaNews.al)
