Një 46-vjeçar shqiptar është vrarë nga kunati i tij grek në Ishullin Kos. Ngjarja sipas mediave greke ka ndodhur mbrëmë kur Leandro Lapa është qëlluar me armë dhe ka humbur jetën në spitalin e Athinës.
Sipas policisë greke autor i vrasjes është 57-vjeçari grek me inicialet T.A.
Greku 57-vjeçar, babai i tre fëmijëve, ishte ndarë nga motra e shqiptarit Lapa dhe kërkonte të lidhej sërish. Ai ka marrë pushkën e gjahut dhe rreth orës 05:00, në gjendje të dehur ka shkuar në shtëpinë e prindërve të ish-gruas, pasi kjo e fundit nuk i ishte përgjigjur fteasve të tij për tu rilidhur.
Po sipas mediave greke 57-vjeçari theu derën e shtëpisë dhe u fut brenda duke qëlluar më pas 46-vjeçarin Leandro Lapa, nga Saranda, në gjoks.
