Greqi, Tsipras fiton sërish zgjedhjet, por i duhen aleatë për qeverinë
Lideri i Demokracisë së Re pranon humbjen. Agimi i Artë renditet partia e tretë. Pjesëmarrja në votimi mjaft e ulët. Syriza: Gati një qeveri e re brenda tre ditësh
Grekët kanë zgjedhur sërish Syriza-n, megjithëse se në Greqi ka fituar dorëzimi. Sipas të dhënave të Ministrisë së Brendshme greke, pjesëmarrja në votime ka 51,75%, më e ulta që nga viti 1946, kur shkuan të votonin rreth 53 & e grekëve.
Sipas rezultateve paraprake , Syriza e Alexis Tsipras është 34,97%, ndërsa konservatorët e Demokracisë së Re kanë marrë vetëm 28,76% të votave.
Pas daljes së rezultateve të para zyrtare, ish-Kryeministri i Greqisë, Alexis Tsipras ka shkuar në selinë e partisë së tij, ku është pritur me duartrokitje për këtë fitore
Sipas projeksioneve, në vend të tretë është formacioni esktrem i Agimit të Artë me rreth 6,5 deri në 8 përqind të votave%.
Shumë dobët “Bashkimi popullor”, disidentët që u larguan nga Syriza të drejtuar nga Lafazanis sipas exit poll-eve kanë marrë vetëm 2,5 deri në 3,5%. Rrezikojnë edhe të mos hyjnë në Parlament, meqë kufiri është 3%.
Sipas projeksioneve, Syriza mund të marrë 144 vend në një Parlament që ka 300 vende. Ndërsa mediat e huaja shkruajnë se burime nga partia e Tsiprasit thonë se brenda tre ditësh do të formojnë një qeveri të re. Ndërkohë mbetet për t’u parë se me kë do të bëjë koalicion Syriza.
Optizmi i Tsipras
“Jam optimist. Nesër nis një ditë e re”. Këto ishin fjalët e para të Alexis Tsipras pasi votoi. “Vështirësitë do të kapërcehen me hapa të qëndrueshëm, të vetëdijshëm për rrugën që duhet të bëjmë përpara. Jam optimist, që ne mund të ecim përpara, duke hapur rrugë të reja, e kemi vërtetuar se mund të hapim rrugë të reja edhe aty ku nuk ekzistojnë. Kur populli ynë është në vijën e parë, brezi i ri gjithashtu, atëherë gjithçka është e mundur”, tha më tej ish-kryeministri Tsipras.
ERT: Exit polls në Greqi parashikojnë 9 parti fituese
1-SYRIZA: 30-34.8% (Cipras’s koalicioni radikal i krahut të majtë)
2-Demokracia e Re: 28-32% (Opozita e qendrës së Djathtë)
3-Agimi i Artë: 6.5-8% (parti neo- Naziste)
4-PASOK: 5.5 – 7% (partia e të majtës, që ishte në fuqi deri më 2011)
5-KKE: 5.5% – 7% (parti Komuniste)
6-To Potami: 4% – 5.5% (Parti pro-BE centriste)
7-Bashkimi Popullor: 2.5 – 3.5% (Parti që kundërshton masat shtrënguese)
8-Unioni Qëndror: 3.2-4.2 % (Parti tjetër Qëndrore)
9-Grekët e Pavarur (ANEL) 3-4% (Parti populiste kraghut të djathtë, që ishin partnerë me Cipras)
