Efektivët e policisë së Korinthit në Greqi kanë shkatërruar një bandë shqiptare të trafikimit të drogës, teksa në pranga kanë rënë 3 të rinj me shtetësi shqiptare.
Të arrestuarit trafikonin dhe shisnin kokainë dhe kanabis në Greqi. Në pranga përfunduan edhe 7 shtetas grekë, si dhe një 24 vjeçare nga Ukraina.
Gjatë kërkimeve në banesat e disa prej të arrestuarve, u sekuestruan 135 gram kokainë, 210 gr kanabis të papërpunuar, metamfetaminë, peshore elektronike, 940 Euro, dy makina dhe dy motoçikleta./a.k
