Lëvizjet e dyshimta këtë mëngjes të një automjeti bënë që policia greke t’i vihej nga pas dhe të bënte “bingo”.
Mediat greke shkruajnë se pas nisjes së aksionit, është identifikuar transportuesi i një sasie të konsiderueshme droge në rajonin e Konicës.
Pas kontrollit të ushtruar në automjetin e dyshimtë, policia gjeti dy çanta me drogës me peshë totale 14 kg e 500 gram hashash, droga ishte e ndarë në dhjetë pako. Policia ka arrestuar një 35 vjeçar shqiptari, raporton express. Më vonë, po në Konicë është gjetur një tjetër automjet me dy persona brenda tij, përkatësisht një 23 dhe një 25 vjeçar greke, të cilët dyshohet se ishin bashkëpunëtor në trafikun e drogës.
Të tre personat janë arrestuar nga policia dhe janë dërguar në komisariat pranë Janinës nën akuzën e trafikut të drogës. Përveç dy automjeteve, janë sekuestruar edhe tre telefona celularë.
