Policia greke ka arrestuar pjesetaret e një bande shqiptaro-greke që trafikonin drogë dhe posedonin armë të paligjshme.
Dje jane publikuar edhe emrat e trafikantëve te perfshire ne kete grup.
Nga 7 të prangosur, 4 prej tyre janë shtetas shqiptarë dhe 3 grekë.
Mediat greke shkruajnë se shqiptarët e arrestuar janë: Renado Hodallari 27 vjeç, Spartak Zene 31 vjeç, Fatjon Habibaj 33 vjeç, Devis Nikolli 24 vjeç.
Të arrestuarit zhvillonin aktivitetin e paligjshëm në zonën e Atikës.
Anëtarët e organizatës i kishin të përcaktuara rolet, ku shqipëtarët kishin rolin kryesor. Ajo drejtohej nga 27-vjeçari Renado Hodallari ndërsa rol të rëndësishëm kishin edhe dy shqiptarë të tjerë.
Anëtarët e tjerë të bandës kishin marrë me qira banesa ku e fshihnin lëndën narkotike, ndërsa të tjerë vëzhgonin kontrollet e policisë, dhe një pjesë tjetër e bandës merrej me tregtimin dhe furnizmin me drogë.
Të arrestuarve iu sekuestrua 105 kliogram kanabis, 12 mijë euro dhe sende të tjera që përdoreshin për aktivitetin kriminal.
a.ç
