Fqinja e Babis dhe Caroline ka hedhur poshtë pretendimin e tij i cili u tha hetuesve se e vrau gruan e tij për shkak se ajo sillej në mënyrë agresive me foshnjen e tyre. Ajo u shpreh se Caroline ishte një nënë e shkëlqyer dhe asnjëherë nuk mund të sillej keq me foshnjen e saj.
“Caroline e adhuronte Lydian. Ajo ishte një nënë e shkëlqyer. Ishte shumë e qetë” tha gruaja e cila natën e vrasjes dëgjoi vetëm disa hapa në shkallët e fqinjëve dhe të lehurat e qenit që u gjet i varur në shkallët e banesës.
Fqinja deklaroi se Caroline nuk do e godiste të voglën e saj as për shaka.
Gruaja fliste çdo ditë me 20-vjeçaren dhe të dyja ato kishin krijuar një raport të ngushtë.
“Shumë herë kam dashur ta telefonoj. Një ditë ajo më tha se Lydia ishte në gjumë dhe ajo nuk e merrte telefonin nëse Lydia ishte duke fjetur me të. Unë i thashë “të admiroj për pjekurinë. Je një nënë shumë e kujdesshme”, tha fqinja.
Babis kishte qenë i pranishëm në disa takime të tyre dhe gruaja kishte vënë re se ata ishin njerëz shumë të ndryshëm. “Ai ishte një njeri shumë i mbyllur. Nuk ishte aq e hapur sa Caroline”, ka thënë gruaja. /abcnews.al
