Një 35 vjeçar shqiptar është arrestuar nga policia greke pasi gjatë kontrollit të ushtruar në automjetin e tij u zbuluan dhe sekuestruan 25 kg kanabis sativa. Lajmi bëhet i ditur nga mediat greke sipas të cilave, shqiptari, identiteti i të cilit nuk bëhet i ditur po udhëtonte me automjetin e tij në aksin Arta-Anitirio kur është ndaluar nga policia.
Saisa e lëndës narkotike ishte e fshehur në brendësi të makinës, konkretish në pjesën e pasme të saj ku shkarkohen gazrat. Është dashur kontrolli me qen që të zbulohet sasia e drogës.
Krahas lëndës narkotike policia ka sekuestruar edhe dy aparate celularë si dhe 1100 euro. Nga hetimet e para, lënda narkotike ishte e destinuar për tregun e brendshëm grek.
