Grupi i Grave Deputete të Partisë Socialiste ka reaguar për arrestimin e Rexhep Rrajës ndërsa mbështet Prokurorinë në hetimin për dhunimin e Xhisiela Malokut.
Përmes një deklarate për mediat, gratë e PS shprehen se Prokuroria po jep sinjale inkurajuese për shqiptarët që e duan drejtësinë
Deklarata e plotë:
Na vjen shume mirë që prokurorja e çështjes është një grua, e cila sot ka të gjithë solidaritetin tonë në kryerjen e detyrës si edhe inkurajimin tonë të plotë, për t’i shkuar deri në fund çështjes në fjalë.
Duke i rezistuar çdo ditë prej kohësh tanimë, vulgut politik e mediatik dhe duke treguar guxim e vendosmëri në ndarjen e drejtësisë nga politika, Prokuroria po jep në vijimësi sinjale shumë inkurajuese për shqiptarët që duan drejtësi.
I bëjmë përsëri thirrje kolegeve deputete të opozitës të ndikojnë që të ndalet dhunimi publik i vajzës për motivet e politikës së dëshpëruar opozitare.
Po ashtu u shprehim atyre keqardhjen për deklarata e akuza të ulëta, që shkojnë në drejtim krejt të kundërt me interesin e Xhisielës dhe të drejtësisë për të.
Për ne drejtësia për vajzën është mbi gjithçka. Për ne ligji është mbi gjithkënd.
/b.d
