Kryetari i Asamblesë së Partisë Socialiste, Gramoz Ruçi, shpjegon në një prononcim për “Shqiptarja.com” se asnjë prej ministrave apo figurave qendrore të PS-së nuk është mënjanuar gjatë ristrukturimit të saj ditëve të fundit. Ai thotë se ndarja në 6 rajone është bërë për lehtësi administrimi dhe organizimi, e në të tilla raste, vetëm 6 mund të jenë përgjegjës, por kjo nuk do të thotë se të tjerët janë të mënjanuar apo më pak të rëndësishëm.
Duke u ndalur specifikisht tek ministri i Financave, Shkëlqim Cani dhe tek ajo e Mbrojtjes, Mimi Kodheli, që nuk u caktuan koordinatorë në Dibër e Lezhë ku janë zgjedhur deputetë dhe u zëvendësuan nga Lindita Nikolla, Ruçi thotë se ata janë pjesë e ekipit.
