33 vjeçari shqiptar Gjergji Rika nuk vidhte si të tjerët në zonën e Xhenovas në Itali. Ai së bashku me kolegun e tij, i quajtur Lorenco Jazo i kryenin grabitjet nëpër pallate, por nuk ngjiteshin nga shkallët për të arritur tek objektivi.
Akrobatët grabitës ngjiteshin përmes tubave duke përfituar kështu nga dritaret e hapura nëpër banesa. Hynin brenda dhe grabisnin çfarë të gjenin, bizhuteri, orë, kasaforta madje edhe vegla pune.
Grabitjet bëheshin në momentet kur në shtëpi nuk kishte njerëz dhe për të qenë të sigurt 100% për ktë, derën e mbyllnin me shufra hekuri, në mënyrë që të mos hapej nga jashtë.
Gjergji ishte akrobati, ndërsa Lorenco (edhe ky shqiptar) ishte ai që njoftonte 33 vjeçarin nëse kishte “lëvizje”.
Vjedhjet janë kryer gjatë muajve mars dhe maj të vitit të kaluar, por policia i ka kapur akrobatët vetëm këtë vit./java/a.k
