11 ditë nga grabitja e 180 mijë dollarëve në dalje të “Hotel Sheraton”, ende nuk ka asnjë gjurmë të dy autorëve.
Nga hetimet e deritanishme bëhet me dije, jo zyrtarisht, se po mbahen nën mbikëqyrje tre persona, të cilët dyshohen të kenë informuar për lëvizjen e vlerës monetare nga banka, në drejtim të pikës së këmbimit valutor.
Në këtë pikë, të njëjtat burime konfirmojnë se, është shkelur Ligji për Transportimin e Vlerave Monetare.
Të njëjtin mendim ndan dhe Roland Tashi, ekspert i Çështjeve të Sigurisë në Banka, raporton tv klan.
Sipas Tashit ka nevojë për një kuadër rregullator më disiplinues, pasi po shfaqet një tendencë në rritje të goditjes së vlerave monetare gjatë transportit, pavarësisht nëse kjo bëhet nga bankat apo bizneset e fushave të tjera./a.m.
