Ministri i Brendshëm Sajmir Tahiri ka komentuar për herë të parë grabitjen e ndodhur në Rinas ku u vodhën zyrtarisht rreth 1 mln euro. Tahiri ka thënë përpara mediave se është e habitshme sesi në një bankë të nivelit të dytë, dera për të hyrë nuk të hapet, por ndryshe ka ndodhur të aeroport, ku dera u hap.
Ministri ka sugjeruar një rishikim të kontratës konçensionare me kompaninë TIA, e cila sipas tij në testet e sigurisë që ka bërë ka treguar për një nivel të dobët sigurie. Tahiri nuk ka dashur të komentojë drejtpërdrejt akuzën e sotme që kjo kompani bëri, e cila tha se policia është njoftuar në momentin kur grabitësit kanë qenë prezentë ende në pistë.
Tahiri gjithashtu ka thënë se shtimi i masave të sigurisë nuk është bërë për aeroportin por për sigurinë e qytetarëve.
“Unë besoj që hetimi do të zbardhë të gjitha përgjegjësitë e të gjitha organeve. Sigurisht është një ngjarje shumë e rëndë ssepse cënon jo vetëm rendin public por edhe sigurinë kombëtare. Ka që nga viti 2004 që ka një kontratë koncensionare që ndalon policinë të meret me sigurinë e Rinasit. Kur dëgjoni që ka rritje të masave kjo do të thotë që ka rrijte të masave për sigurinë e qytetarëve në aeroport dhe jo për sigurinë e vetë aeroportit.
Unë besoj se kontrata koncensionare minimumi duhet riparë, sepse nuk mund të ecet me kukafshehti dhe se kush e ka fajin.
Jeni njohur sic jam njohur dhe unë se me testet e bëra kanë dalë probleme dhe dështime të sigurisë.
Por ky është mendimi im personal, sepse është parlamenti që e gjykon rishikimin e koncensionarit.
Unë besoj se ka shumë për të bërë dhe kam besim se nuk do të jetë e largët dita që autorët do të arrestohen, por deri në atë moment ne duhet të shohim sistemin dhe neve na duhet të vlerësojmë të gjithë mekanizmat e sigurisë në Rinas. Në një bankë të nivelit të dytë të hysh, dera nuk hapet, por si mund të ndodhë që të hyhet në aeroportin e Rinasit dhe askush nuk e merr vesh, e marrin vesh kur del makina?!.”- tha Tahiri./java/a.k
