Në komisionin parlamentar të Sigurisë çështja e grabitjes në Rinas është kthyer në debat mes deputetëve teksa kanë qenë përfaqësuesit demokratë, atë të cilët kanë kërkuar prezencën e Ministrit të Brendshëm Sajmir Tahiri në mbledhje. Në emër të LSI ka folur Luan Rama duke thënë se në Rinas siguria është zero.
Asllan Dogjani ka kërkuar praninë e Tahirit në komision, ndërsa Luan Rama tha se shteti duhet të reagojë lidhur me vjedhjen.
“Makina e cila u përdor nga grabitësit mund të ishte me eksploziv, duhet të merreshin masa për një mbledhje te jashtëzakonshme për sigurinë kombëtare”,- tha Dogjani.
Rama ka shtuar gjithashtu se edhe kreu i shtetit, Presidenti Nishani do duhej të kishte reaguar në lidhje me grabitjen në Rinas.
“Siguria në Rinas është zero, ngjarje të tilla nuk kanë ndodhur as në vitin 1997. Nuk ka rëndësi shumë e vjedhur, por fakti që në Rinas hyri grupi i armatosur. Është shkelur siguria kombëtare dhe vija e kufirit. Duhet të kërkojmë llogari për masat e marra pas ngjarjeve në Stamboll…Presidenti deri më tani nuk ka asnjë reagim”, tha deputeti Rama.
“Duhet të lëmë hetimet të flasin vetë. Kam bindjen se grupi që grabiti s’ka qenë grup i armatosur, por marrëveshje midis individëve me pozicione te ndryshme”, tha deputeti i PS Paulin Sterkaj./java/a.k
