Pasi Kim Kardashian u grabit në suitën e hotelit nën kërcënimin e armëve, të gjithë janë vënë në lëvizje për të zbuluar sa më shumë detaje dhe për të bërë të mundur kapjen e 5 hajdutëve që hynë të maskuar si policë.
Por ndërkohë nuk kanë munguar as komentet ironizuese apo aludimet se e gjithë kjo vjedhje ishte e sajuar ose ishte veprim i brendshëm.
Ish-truproja e Kimit ka dhënë një intervistë për një radio australiane ku ka thënë se në nja farë mënyrë i bëhet qejfi për këtë incident që i ndodhi pasi sipas tij kjo është ‘karma’. 42-vjeçari Steve Stanulis u pushua nga detyra në muajin maj pasi bashkëshorti i Kimit, reperi i njohur Kanye West, e kishte akuzuar atë se po flirtonte me të shoqen dhe sipas truprojës kjo nuk ishte aspak e vërtetë.
Steve tregon se çifti nuk i respekton aspak punonjësit dhe nuk tregon rëndësinë e duhur ndaj truprojave edhe pse janë gjithë kohës në qendër të vëmendjes së njerëzve dhe në rrezik nga çdo sulm i mundshëm.
Kim Kardashian, viktima më e re e bandës së hajdutëve serbë
Kim Kardashian thuhet se është viktima më e re e bandës së hajdutëve serbë, të njohur si Pink Panther. Mediat raportojnë se prapa vjedhjes qëndron banda Pink Panther, e cila është aktive që nga viti 1984, ndërsa deri më tani kanë vjedhur stoli në vlerë prej qindra miliona euro.
Banda, e cila ka pjesëtarë kryesisht nga Serbia dhe Mali i Zi, deri më tani ka vjedhur pasuri në vlerë prej 320 milionë euro.
Ata e morën nofkën Pink Panther pas grabitjes së një diamanti në Londër, i ngjashëm me atë të filmit “Pink Panther 2”.
Këta hajdutë kanë kryer grabitje në qendra të mëdha, si Kanë, Tokio, Singapor e Dubai, ndërsa përbëhen nga një rrjet prej 200 personash që e kanë të perfeksionuar zanatin e hajdutërisë.
Këto janë momentet e grabitjes së Kim Kardashian. Ja si e kanë lidhur
Tashmë është krijuar edhe skena 3D, ku shpjegohet se si u futën hajdutët në dhomë, si e lidhën Kimin dhe e kërcënuan me armë dhe si arriti ajo të shpëtojë dhe të kërkojë ndihmë nga fqinjët.
Panorama/d.i.
