Numri i të arrestuarve për grabitjen e parave të bankës arrin në 7 ndërsa mësohet se i ndaluari Admir Çerpja ka filluar të bashkëpunojë me drejtësinë.
Sipas policisë, Dash Kupa, 41 vjeç me banim në Tiranë u ndalua në pikën e Kalimit Kufitar të Morinës ditën e sotme.
Policia nuk jep detaje për rolin e tij, por thotë se ka dyshime që të jetë i përfshirë në grabitjet me armë të vlerave monetare.
Kupa është shoqëruar në Drejtorinë Vendore të Policisë Tiranë për veprime të mëtejshme. Sëbashku me të është ndaluar edhe një tjetër familjar.
Mësohet se Admir Çerpja ka refuzuar avokatin e caktuar nga familja e tij duke pranuar kështu të rrëfehet për drejtësinë./b.d
