Grabitja e bankës/ Zbardhen rolet e anëtarëve të bandës

Ky i fundit ka shërbyer si ndërlidhës në ngjarjen e parë mes shtetasve Fatjon Xhyliu dhe Ditjon Memlika nga njëra anë dhe ekzekutorëve nga ana tjetër.Ndërsa në ngjarjen e datës 09.02.2017, shtetasit Neim Avdulaj dhe Ditjon Memlika dyshohet se kanë siguruar dhe më pas kanë përcjellë informacionin e nevojshëm tek ekzekutorët e veprës penale.Veçanërisht shtetasi Neim Avdulaj dyshohet se në të dy episodet ka bërë bashkërendimin e punës, para dhe pas kryerjes së veprës penale, gjë që kthen këtë shtetas në rolin e organizatorit.

 Gjithashtu, shtetasi i ndaluar Ernest Kupa dyshohet të ketë vepruar në rolin e ekzekutorit. Në këtë rol dyshohet të ketë dhe persona të tjerë. I gjithë grupi paraqitet me një nivel të lartë organizimi, duke pasur mes anëtarëve të tij një ndarje të qartë detyrash dhe rolesh, atë të organizatorit, ekzekutorit dhe ndihmësit.

Deri tani grupi hetimor ka zbuluar 4 nga 5 autorët që kanë kryer veprime aktive me armë për grabitjen e parave. Sipas burimeve, janë dy prej të arrestuarve, Ernest Kupa dhe Neim Avdulaj, si dhe dy persona që janë në kërkim policor, që dyshohet të jenë të afërm të Admir Muratajt.Por personi i pestë që ka marrë pjesë në sulm nuk është përcaktuar ende nga grupi hetimor. Policia ka vijuar edhe dje aksionin në terren për kapjen e dy të kërkuarve, që në orët e vona u finalizua me arrestimin e Çerpjas.Admir Murataj, nga Tropoja, dhe Jetmir Çerpja, nga Dibra, po kërkoheshin edhe me metoda operative gjurmuese në fshatrat e Dibrës, por edhe në qytetet e afërta. Burime nga grupi hetimor thanë se Çerpja nuk rezulton të ketë precedentë penalë në Shqipëri, ndërsa ka qenë i dyshuar për grabitje në Greqi.Madje, atje është njohur dhe bashkëpunuar edhe me Admir Muratajn e Ilir Kupën, pjesëtar i grupit të “Babagjyshëve”, që kryen grabitjen e argjendarisë në qendrën tregtare në Tiranë. Operacioni “Patriot” ka vijuar edhe dy ditë pas arrestimit të 4 të dyshuarve, thuajse me të njëjtin intensitet.PANORAMA