Grabitja e ndodhur një ditë më parë në lagjen Vasil Shanto, në Shkodër ka venë në lëvizje grupin hetimorë të policisë së shkodrës për arrestimin e autorëve të kësaj grabitje. Burime pranë grupit hetimore të policisë së Shkodrës bëjnë me dije se pas sekuestrimit të kamerave të sigurisë së argjendarisë së grabitur, specialistet e hetimit kane nisur punën për identifikimin e autorit të kësaj ngjarje.
Personi i cili evidentohet me kapuç në kokë në momentin që është njoftuar për mbërritjen e policisë së Shkodrës është larguar menjëherë ne rrugicat e kësaj lagje ndërkohe që blutë e Shkodrës kanë shoqëruar 7 persona për ti marrë në pyetje ne lidhje me grabitjen e ndodhur në orën 3 të mëngjesit të së shtunës edhe pse orari nuk ka favorizuar policinë për dëshmitarë të shumtë në këtë zonë të qytetit të Shkodrës.
Megjithatë, sipas hetuesve të kësaj çështje, pika kyç e cila pritet të zbardh edhe identitetin e autorit të kësaj ngjarje janë pamjet filmike edhe pse personi nuk identifikohet. Blutë e shkodrës po i rikthehen edhe ngjarjeve të kaluara ku janë regjistruar grabitje në këtë zonë për të krijuar lidhje mes personave të cilët janë hetuar për grabitje të argjendarive ne qytetin e Shkodrës.
Megjithatë sipas hetuesve, personi i cili evidentohet në video është ndihmuar nga një person tjetër në automjetin tip Wolksvagen i cili ishte pa targa dhe është braktisur në momentin kur ka mbërritur policia në vendin e ngjarjes.
