Një 48-vjeçar i cili vodhi një shumë prej 60000 lekësh në një dyqan dhe dyshohet se tentoi të kryente marrëdhënie seksuale me shitësen është shpallur në kërkim nga policia e Sarandës. Sipas njoftimit të policisë bëhet me dije se ngjarja ka ndodhur një ditë më parë (2 maj).
Jorgo Kumaraku me maskë kirugjikale dhe kapele, ka shkuar në dyqan ku ka kryer edhe grabitjen nën kërcënimin e një thike – gjatë së cilës është dëmtuar lehtë në dorë shitësja.
Burime bëjnë me dije se Policia pas grabitjes e ka identifikuar autorin nga një kamerë tjetër në rrugën që ka përshkruar, ndërsa 26- vjeçarja përmes një fotoje që i ka treguar policia ka pohuar ishte pikërisht ai.
Autori ka qenë edhe më parë i arrestuar për vjedhje me dhunë të një gruaje në bankomatin e një banke
“Specialistët për Hetimin e Krimeve në Komisariatin e Policisë Sarandë referuan materiale në Prokurori dhe shpallën në kërkim shtetasin J. K., 48 vjeç, pasi ditën e djeshme, në një dyqan në lagjen nr. 2, Sarandë, dyshohet se nën kërcënimin e një mjeti prerës (thike), ka vjedhur me dhunë një shumë prej 60000 lekësh nga shitësja e dyqanit, 26 vjeçe, e cila si pasojë ka pësuar dëmtime fizike. Gjithashtu, dyshohet se ka tentuar të kryejë marrëdhënie seksuale me dhunë ndaj saj. Vijon puna intensive për lokalizimin dhe kapjen e autorit të dyshuar”, informoi sot policia.
Materialet iu referuan Prokurorive përkatëse, për veprime të mëtejshme.
