Një degë e Postës Shqiptare, brenda ambienteve të Hipotekës së Tiranës, ka rënë pre e grabitjes këtë mesditë nga autorë të armatosur dhe me maska, të cilët kanë marrë një shumë të konsiderueshme parash.
Ngjarja ka ndodhur në kryeqytet, pranë ish-Stacionit të Trenit.
Mëohet se ka qenë një person që është futur në ambientet e postess dhe ka marrë shumën e njërit prej sporteleve.
Filiali i Postes së grabitur ndodhet brenda ambienteve të Hipotekës së Tiranës, ndërsa nuk dihet ende shuma e marrë nga grabitësit.
Filiali i Postes është i mbuluar vetëm nga xhami dhe kjo iu ka dhënë mundësi grabitësve të veprojnë me shpejtësi dhe të largohen me një automjet tip ‘BMW’ ngjyrë gri, i cili dyshohet të ketë qenë i vjedhur.
Policia nuk ka arritur të ndalojë autorët, ndërsa ka ngritur pika të shumta kontrolli në të gjithë kryeqytetin.
E gjithë skena e grabitjes është filmuar nga kamerat e sigurisë dhe pritet të zbardhet nga policia.
Grabitja me armë zjarri në kryeqytet, policia jep detaje:
Sot rreth orës 14:05, në Sallën Operative një telefonatë njoftoi se në rrugën “Panorama”, në Tiranë, një shtetas ka vjedhur një shumë parash.
Në vendngjarje shkuan disa shërbime policore. Nga veprimet paraprake rezulton se brenda ambienteve të zyrave të Hipotekës, në filialin e Postës Shqiptare, një person me kapuç, dyshohet nën kërcënimin e armës, ka vjedhur një shumë ende të papërcaktuar lekësh.
Specialistët kundër krimeve kanë kryer veprimet e para hetimore dhe po punojnë intensivisht për sqarimin e plotë të rrethanave të ngjarjes dhe identifikimin dhe kapjen e autorit.
a.ç
