Një kazino në Durrës është grabitur nga dy persona të armatosur në orët e para të mëngjesit të së dielës.
Grabitësit e maskuar kanë marrë një sasi parash nga kazinoja që gjendet përballë Pallatit të Sportit dhe janë larguar.
Policia e Qarkut njoftoi paraprakisht se rreth orës 3.10, në lagjen Nr.5 në Durrës, përballë “Pallatit të Sportit”, dy persona me kaska motori në kokë dhe të armatosur, njëri me thikë dhe tjetri me armë janë futur në një kazino.
Për pasojë, kanë marrë shumën e lekëve që ndodheshin në kasë dhe janë larguar. Nuk kanë qëlluar dhe nuk ka persona të dëmtuar.
Në ato momente në kazino ndodhej vetëm bodygardi dhe banakierja.
