Tre persona janë sulmuar mbrëmjen e kaluar në fshatin Braçaj të Devollit, teksa ishin nisur për në Greqi. Fatkeqësisht, nga sulmi me sende të forta ka mbetur i vdekur, një 38-vjeçar.
Viktima është identifikuar nga policia si Zarif Alliu nga fshati Starovë i Pogradecit. Sipas dyshimeve paraprake, Zarif Alliu është dhunuar për vdekje dhe më pas është hedhur në rrugë.
Burime nga policia e Korçës, bëjnë me dije se këtyre 3 personave iu janë marrë edhe sendet personale, dhe më pas autorët kanë ushtruar dhunë ndaj tyre. Sakaq dy personat e tjerë me inicialet, M.V 40 vjeç dhe Z.A 44 vjeç, janë transportuar për në spitalin e Korçës, ku ndodhet jashtë rrezikut për jetën. Policia ndodhet në vendin e ngjarjes ku po heton për identifikimin dhe kapjen e autorëve.
