Një argjendari në qytetin e Lushnjes është vjedhur gjatë orëve të natës nga persona të paidentifikuar.
Autorët kishin hyrë me dhunë brenda biznesit duke thyer xhamat dhe qepat, dhe kishin vjedhur bizhuteritë prej ari që gjendeshin në vitrinën e argjendarisë.
Në vendngjarje kanë shkuar forcat e policisë, të cilat po mbledhin provat. Nga kqyrja e kamerave të sigurisë, mendohet të kenë qenë rreth 4 persona të maskuar, për të cilët po punohet që të identifikohen.
Dëmi i shkaktuar në biznes është 10 milione Lekë, sipas pronarit
Kjo është argjendaria e dytë që grabitet në harkun kohor të më pak se 3 javëve. Më 2 janar 2019, argjendaria “Altınbaş” në City Park u grabit, ndërsa vlera e bizhuterive të vjedhura kap vlerën e 200 mijë eurove.
Autorët neutralizuan rojet dhe më pas hynë dhe morën bizhuteritë. Ende nuk ka asnjë të arrestuar për këto ngjarje.
a.cupaj
