Një rast grabitje por i veçantë është regjistruar në vendin fqinj Itali, me protagonistë shqiptarët. Raportohet se një 37-vjeçar me origjinë shqiptare është arrestuar në zonën e Castellos, nën akuzën e grabitjes.
Ngjarja ndodhi të dielën, ndërkohë karabinierët ndërhynë në kohë, duke prangosur shqiptarin.
Tezja e tij ishte në gjumë, kur shqiptari ishte futur në banesën e aj dhe kishte mundur t’i merrte 45-euro.
Shqiptari u arrestua dhe u dërgua në burgun e Sollicconos, ndërsa tezja e tij u dërgua për ndihmë mjekësore në spital.
Mediet italiane raportojnë se shqiptari, emri i të cilit nuk është bërë i ditur, ka hyrë në shtëpinë e tezes së tij, me qëllimin për ta plaçkitur.
Kur tezja zbuloi ngjarjen, shqiptari e sulmoi duke e hedhur në tokë dhe duke u përpjekur ta ndalonte që të bërtiste për të kërkuar ndihmë.
