Mario Gotze është duke kaluar një periudhë të vështirë në karrierën e tij.
Pas një sezoni të komplikuar në Bayern Munich, reprezentuesi gjerman u largua nga Allianz Arena duke u rikthyer në Borussia Dortmund.
Por, as skuadra e re – në javët e para të sezonit të ri – nuk ia ka kthyer buzëqeshjen në fytyrë. Për faj të formës jo të mirë fizike dhe vendimeve të trajnerit Thomas Tuchel, Gotze ka qenë kryesisht rezervë në fillimin e sezonit të ri në Bundesligë, përcjell “Zëri.info”.
Dhe, e përditshmja sportive italiane “Corriere dello Sport” raporton se ai mund të rikthehet në treg, në kërkim të një skuadre të re.
Kurse, në mesin e klubeve që janë duke e vëzhguar me interesim, me mundësi të paraqitjes së një oferte për blerjen e tij është edhe kampioni i Serie A, Juventus, referon Zëri. (b.an)
