Qytetarët e komunitetit goran do të votojnë në zgjedhjet parlamentare të Serbisë në Kosovë, nëse ato lejohen të mbahen. Ata shprehen se këtë do ta bëjnë nga se kanë humbur shpresën nga institucionet kosovare, pasi siç thonë, nuk kanë bërë asgjë për ta.
Ndryshe nga banorët, partia Iniciativa e komunitetit goran thotë se kanë zgjedhur të jenë pjesë e institucioneve kosovare dhe ashtu do të veprojnë. Kryetari aktual i Dragashit thotë se të gjithë qytetarët i trajtojnë njësoj.
Sipas tij, rreth 40 për qind e popullsisë në Dragash i takojnë komunitetit goran.
Drejtori i Zyrës për Kosovën në qeverinë e Serbisë, Marko Gjuriç, një ditë më parë tha se edhe populli goran do të marrë pjesë në këto zgjedhje.
