Google i kthehet linjës së celularëve NEXUS
Një lajm i mirë për fansat e shumtë të Google dhe të sistemit të tij Android. Kompania po bëhet gati të lëshojë brenda fundit të vitit, dy versione celularësh të linjës së tij popullore Nexus. Bëhet fjalë për dy tipe telefonash, që do të prodhohen për llogari të Google, nga dy kompani tëmëdha: LG dhe Huawei.
Detajet rreth dy celularëve flasin për versionin me ekran 5.2 inç që do të prodhohet nga LG dhe që do të ketë një trup metaik dhe të dhëna teknike të rangut të parë. Ndërsa versioni i prodhuar nga Huawei do të jetë pak më i madh, 5.7 inç dhe do të ketë sërish një trup metalik dhe të dhëna teknike të avancuara.
Vlen të theksohet se që të dy telefonat do të kenë të instauar versionin më të fundit të Android, atë që mban simbolin “Android M”, i cili do të inaugurohet gjithashtu nga fundi i vitit. Nuk dihen ende se cilat do të jenë çmimet e dy telefonave në fjalë, por tradicionalisht linja Nexus është shquar për çmime konkuruese dhe nivel të lartë performance.
