Juria ka vendosur se përdorimi i gjuhës programuese Java nga Google në Android është legale në një “luftë” për patentë, e cila zgjati gjashtë vjet.
Oracle, e cila është pronare e Java, ka akuzuar Google se ka vjedhur kodin e saj për të ndërtuar sistemin operativ mobil Android, i cili tashmë është sistemi operativ mobil më i përdorur në botë, transmeton koha.net.
Google nuk ka shpëtuar vetëm Androidin në këtë fitore, por ka shmangur një pagesë të madhe prej 9 miliardë dollarë, të cilën e kërkonte kompania Oracle.
Kjo fitore është shumë e rëndësishme edhe për të ardhmen e “luftërave” për patenta, të cilat mbrojnë të drejtën autoriale të softuerëve.
Juria ka gjetur se Google ka përdorur kodin e Java’s, por këtë e ka bërë në bazë të rregullave, që do të thonë se ata nuk kanë pasur nevojë që të pyesin Oracle për përdorimin e tij.
Beteja Oracle VS Google do të mund të përdoret për të ju referuar edhe në beteja të tjera ligjore për softuer. (b.an)
