Zëvendës ministri grek i Mbrojtjes, njëkohësisht deputet i SYRIZA, Nektarios Santorinios ka reaguar rreth kapjes së gomones me 1.6 ton drogë dy ditë më parë në Greqi.
Në një deklaratë për radion e Agjencisë Telegrafike të Lajmeve të Athinës, “AMPE” ai është shprehur se “Mesa duket kemi goditur një rrjet të madh.
Ai ka shtuar gjithashtu se grupi kriminal është ndjekur për një kohë të gjatë.
“Ishte një sukses që nuk erdhi brenda 48 orësh. Erdhi pas një ndjekje të ngushte të çështjes, përmes kryqëzimit të informacionit, përmes një pune të madhe që bënë krerët e policisë kufitare dhe për ketë vlen t’i falënderojmë” u shpreh Santorinios.
Pas operacionit të policisë greke për goditjen e një grupi të organizuar të trafikut ndërkombëtar të drogës, që çoi në kapjen edhe të një gomone me 1.6 ton drogë të nisur nga brigjet shqiptare, jane zhvilluar kontrolle edhe në Sarandë.
a.ç
