Berat Gjimshiti ka pushtuar këtë të enjte faqet kryesore të mediave sportive italiane. Të gjithë kanë vlerësuar paraqitjen e mbrojtësit shqiptar i cili realizoi dy gola me fanellën e Atalantës ndaj Olimpiakos duke i dhënë fitoren 2-0.
“Gjimshiti bën çmenduri, përmbys Olimpiakosin dhe Atalanta feston”, shkruante e përditshmja sportive më e madhe italiane, “La Gazzetta Dello Sport”.
“Atalanta, Gjimshiti është i jashtëzakonshëm; dygolësh dhe Olimpiakos KO”, shkruanin torinezët e “Tuttosport”.
“Atalanta-Olimpiakos 2-1, dygolësh i Gjimshitit, çfarë përmbysje e Gasperinit”, shton “Corriere Dello Sport”.
Për portalin e “Sportmediaset”, suksesi erdhi me surprizë. “Ai që nuk pritej, Gjimshiti përmbys Olimpiakosin, Atalanta thyen tabunë”, shkruante portali i njohur sportiv italian.
g.kosovari
