Ministri i Shtetit për Marrëdhëniet me Parlamentin, Toni Gogu gjatë fjalës së tij në Kuvend i kujtoi Sali Berishës vrasjet e 21 Janarit 2011dhe akuzat e vazhdueshme që janë bërë ndaj tij se ka thyer embargo e armëve dhe iu ka dhënë naftë serbëve që kryenin vrasjet në Kosovë. Gogu po ashtu i kujtoi Berishës edhe firmat piramidale duke i thënë se hodhi në erë depozitat e shqiptarëve!
“Ke në ndërgjegje protestues të paqtë të vrarë në bulevard, shqiptarë që iu ke vjedhur depozitat dhe ua ke hedhur në erë. Dhe bashkë me të ke djegur të gjithë vendin, është përpjekja që shikoni sot gjithë këtë hipokrizi, që e patë edhe në historinë e Kosovës.
Kisha një pyetje. Atë mëngjes kur makineria serbe ishte nisur për të kryer ato vrasje me çfarë nafte ishin mbushur? Kush ia kishte shitur naftën makinerisë serbe? Atyre luftëtarëve që thanë liria ka emër kush i thirri banditë dhe kush i minoi në veprimtarinë e tyre dhe kush hapi çdo zyrë të kancelarive evopiane dhe doli në mes atje ku është mohuar për tërë jetën Kosova, dhe tha kjo histori ka mbaruar.
Te ai bulevardi që keni tmerr se keni mëkate të mëdha. Përpara disa ditësh te ai bulevard një zonjë evropiane tha me gojën plot se Shqipëria ka bërë përparim mbresëlënës. Ndërkohë që zotëria e 21 janarit thërret narkoshtet.”, tha Gogu.
