Byroja e Kuvendit, e mbledhur sot paradite, përjashtoi me pesë ditë deputetin e Partisë Demokratike, Edi Paloka. Deputeti demokrat në seancën e kaluar parlamentare goditi ministrin Ilir Beqaj, teksa ky i fundit po fliste nga foltorja e Kuvendit.
Byroja u mblodh me kërkesë të Partisë Socialiste.
Seanca e së enjtes së kaluar ka qenë tepër e tensionuar pasi deputetët e PD tentuan të bllokonin punimet.
Flamur Noka u përjashtua nga seanca parlamentare pasi nuk lejoi kryeministrit Edi Rama të merrte fjalën. “Flet Sali Berisha, pas tij të gjithë me radhë u shpreh Noka, duke kërkuar kështu të drejtën e replikës për ish-kryeministrin.
