Pas gati dy vite hetimesh, operacioni u krye nga policia italiane, që çoi në shkatërrimin e një organizate të trafikimit ndërkombëtar të drogës. Ngarkesat përmes korrierëve ishin të destinuara për botën e krimit dhe mafian kalabriane e atë siciliane.
Anëtarët e organizatës, bazuar në hetimet e autoriteteve italiane, merreshin me trafik ndërkombëtar droge, kryesisht midis veriut të Barit dhe Shqipërisë, duke “importuar” veçanërisht marihuanë dhe heroinë, madje kishin hyrë në biznes me përfaqësuesit e krimit Sicilian dhe Kalabrian.
Në pranga nën akuzë për krijimin e një organizate kriminale që synonte trafik ndërkombëtar droge, gjatë një operacioni të sotëm nga policia, përfunduan tre persona.
Të arrestuarit janë Davide Daddato, 51 vjeç nga Barletta, dhe Umberto Di Benedetto, 43 vjeç nga Trani: të dy u arrestuan në mëngjes, në shtëpitë e tyre përkatëse.
Në të njëjtën kohë, Emiljano Mustafa, 30 vjeç, shqiptar, u arrestua në Durrës me bashkëpunimin e Departamentit të Policisë Kriminale, Zyrës së Interpolit të Policisë së Shtetit Shqiptar në sinergji me autoritet ligjzbatuese shqiptaro-italiane.
Droga iu besohej korrierëve dhe biznesit “të papritur” në Kalabri dhe Siçili.
Dyshimet lindën më 27 shtator 2017, kur u arrestua Gioacchino Spadavecchia, 66 vjeç, i Molfetta, të cilit iu gjetën 12 pako heroinë me peshë mbi katër kilogramë. Ai kishte mbërritur në Bari, me një traget nga Durrësi.
Një pjesë e heroinës ishte fshehur brenda kabinës së tragetit, ndërsa 11 pako të tjera iu gjetën, gjatë një kontrolli brenda shtëpisë së tij në Molfetta. Hetimet e mëvonshme, të koordinuara nga Drejtoria e Qarkut Antimafia e Barit, bënë të mundur identifikimin e një organizate ndërkombëtare që përdorte korrierë për transferimin e heroinës dhe marihuanës nga Shqipëria në Itali. Në rrjedhën e aktiviteteve, u sekuestruan edhe ngarkesa të rëndësishme të drogës, sipas hetimeve.
Droga ishte e destinuar për anëtarët e bandave të krimit në Kalabria dhe Sicili.
Më 30 janar 2018 Umberto Barretta, 54 vjeç, nga Barletta, u arrestua ndërsa mbante një Peugeot 5008 , ku u gjet mbi 100 kg marihuanë e destinuar për blerësit sicilian.
Më 11 Prill 2018, në Bari, afër kryqëzimit Mungivacca, përgjatë SS16, u përgjua një Renault Clio, i drejtuar nga Giuseppe La Regina, 35-vjeçari nga Cassano allo Jonio (CS), i cili mbante 15 kg heroinë gati për blerësit e Kalabrisë.
Droga – që sapo mbërriti në Itali, u ruajt përkohësisht brenda disa kutive në dispozicion të Umberto Di Benedetto, në rrethin Superga të Trani. E vendosur në treg, ajo do të shitej me rreth 80,000 doza heroinë dhe 513.600 doza marijuanë dhe do të sillte të ardhura prej 4 milion eurosh.
Hetimi që zgjati dy vjet dhe goditi me radhë anëtarët e kësaj organizate synoi të dokumentonte se si të dyshuarit ishin në kontakt me një organizatë kriminale të Ndrangheta, e operuar në territorin e Cassano allo Jonio, e cila blinte heroinë në këmbim të furnizimit me kokainë. Pas formaliteteve, të arrestuarit u dërguan në burg në Trani ndërsa shtetasi shqiptar ishte i shoqëruar me një institucion paraburgimi në Shqipëri, në pritje të ekstradimit.
/a.r
