Policia ka goditur një bandë që merrej me grabitjen e bankomateve. Të paktën 5 raste grabitjeje janë zbardhur.
Operacioni i koduar “Bankomat“, ka bërë të mundur arrestimin e shtetasit Ylli Gerra, 31 vjeç, banues në Vlorë, dhe janë shpallur në kërkim shtetasit: N. G., 24 vjeç, I. G., 30 vjeç dhe shtetasi me inicialet I. G., 24 vjeç
Sipas policisë, ka prova të mjaftueshme ligjore që vërtetojnë se këta persona janë autorë të dyshuar të vjedhjeve të ndodhura:
Më datë 30.12.2016, ku kanë vjedhur një bankomat të një Banke të nivelit të dytë në Novoselë, Vlorë.
Më datë 08.01.2017, ku kanë vjedhur një bankomat të një Banke të nivelit të dytë në Berat.
Më datë 14.01.2017, ku kanë vjedhur një bankomat të një Banke të nivelit të dytë në Tiranë pranë Q.S.U.T.
Më datë 20.02.2017, ku kanë vjedhur një bankomat të një Banke të nivelit të dytë në Gjirokastër.
Më datë 11.03.2017, ku kanë vjedhur një bankomat të një Banke të nivelit të dytë në Patos, Fier.
Në cilësinë e provës materiale janë sekuestruar:
Një automjet i markës “Nissan Yuke”, i cili rezulton i vjedhur në Tetor 2016, në qytetin e Tiranës
Dy pajisje prerëse metali me bombula gazi si ato të saldimit.
Disa komplete me vegla pune të cilat dyshohet se shërbenin për hapjen e bankomateve.
Materialet i kaluan Prokurorisë së Rrethit Gjyqësor Tiranë, për veprat penale të “Vjedhjes së Bankave dhe Arkave të Kursimit“ e kryer në bashkëpunim dhe “Vjedhja”.
