Zyra përmbarimore e Pukës ka vendosur në sekuestro godinën e bashkisë Pukë
Në një intervistë telefonike për Ora Neës, kryetari i bashkisë së Pukës, Beqir Arifaj thotë se borxhet janë të trashëguara deri në 2011, duke ia faturuar paraardhësit të tij.
Pjesën më të madhe e përbën detyrimi që kjo bashki ka ndaj një firme të pastrimit të qytetit.
“Janë boxhe të trashëguara kryesisht në vitet 2008- 2011. Detyrime financiare, për të cilat bashkia nuk ka pasur kapacitet financiar ti likuidojë gjatë këtyre viteve që unë kam qenë kryetar bashkie.
Të ardhurat dhe financat e bashkisë e bëjnë të pamundur likudimin e borxheve që janë të 2011. Ka vendime gjyqësore që duheshin likuiduar por financat e kanë bërë të pamundur.
Borxhi ishte 26 milionë lekë deri në 2011, ndërsa të ardhurat në një vit nuk përbënin as gjysmën e këtij borxhi . Vetëm firmës së pastrimit i kemi 10 milionë lekë të reja. Kjo përbën gati gjysmën e borxheve që ka trashëguar bashkia” , shprehet Arifaj.
Arifaj shtoi se “po kërkohet edhe politikisht të bllokohet bashkia, si dhe të krijiojnë pengesa të qëllimshme”
Arifaj shton se po procedohet për të kërkuar shtyrjen e afateve të shlyerjes së borxheve me shpresën që “bashkia e re të ketë kapacitete më të mëdha financiare për të shlyer ato”.
