Policia ka vënë në pranga një grua 48 vjeçare pasi në vigjilje të Shën Valentinit, ajo i ka “dhuruar” bashkëshortit të saj një version të shkatërruar të makinës së tij, përmes goditjeve të shumta me një levë hekuri.
Ngjarja ka ndodhur për motive xhelozie dhe është regjistruar ditën e shtunë në rrugën Irfan Tomini. Nëna e 3 fëmijëve, 48 vjeçare ka goditur me lëve makinën e burrit të saj, e tipit Benz ML, si dhe ka shpuar gomat e automjetit.
Me të parë makinën dhe në padijeni për autorësinë e aktit, bashkëshorti saj ka denoncuar ngjarjen menjëherë në polici, e teksa kjo e fundit ka nisur hetimet, gruaja ka dalë dhe ka pranuar veprimin e saj.
