Merkato ka nisur zyrtarisht dhe pasi Partizani ka arritur akord me William Cordeiro, ish-pjesë e Kukësit sezonin e shkuar, tashmë janë verilindorët që përgjigjen duke arritur akord me futbollistin e talentuar të Flamurtarit, Emiliano Musta.
Telesport mëson se sot palët kanë shtrënguar duart dhe është gjetur gjuha e përbashkët për të firmosur me nënkampionët dhe fituesit e Kupës së Shqipërisë, teksa zyrtarizimi i mesfushorit do të vijë vetëm më datën 13 qershor.
Kjo pasi nuk është bërë e mundur firma, pra e zeza mbi të bardhë, pasi presidenti Safet Gjici nuk ka pasur mundësi të jetë në takim. Musta ka firmosur për 1 sezon.
Musta është 27 vjeç dhe ka luajtur sezonin e shkuar 32 ndeshje, duke shënuar 3 gola dhe dhënë dy pasime për gol. Në të shkuarën ka veshur fanellat e Elbasanit, Shkumbinit, Teutës, Partizanit dhe Flamurtarit.
Goditja tjetër e Kukësit pritet të jetë Edison Ndreca, por bisedimet janë ende në fillim.
/a.r
