Një 46-vjeçar nga Përmeti, është arrestuar pasi akuzohet se ka goditur 2 lojtaret e ekipit të basketbollit të Flamurtarit. I ndaluari është Ardian Çobo, 46 vjeç, banues në Përmet.
Ngjarja ndodhi pas përfundimit të ndeshjes së basketbollit të ekipit të femrave mes Flamurtarit dhe Përmetit. Mësohet se 46-vjeçari është babai i njërës prej lojtareve të Përmetit.
Sakaq, policia bën me dije se Çobo kundërshtoi me forcë punonjësit e sigurisë.
Ndërkohë ende nuk është bërë me dije se çfarë ka ndodhur që e shtyu 46-vjeçarin të bëjë këtë veprim.
a.ç
